Fréttir af ferðalöngum

Veðrið hefur leikið við ferðalangana okkar í Danmörku. Á mótinu á fimmtudag tóku þau til sín fleiri verðlaun en danir gerðu ráð fyrir enda góðir knapar á ferð. Mjög vel hefur tekist til með gistingu hópsins heima hjá dönsku krökkunum og allir ánægðir. Í gær var farið í dýragarðsferð og að versla á eftir í Óðinsvéum og var víst mikið verslað. Í dag eru þau í Legolandi í sama góða veðrinu og munu leggja af stað til Billund uppúr kl. 19. Hlökkum til að sjá þau brún og sælleg í Leifsstöð um miðnætti en þá er áætlaður komutími.