Danmerkurferðin
Fyrsti fundur Danmerkurfara var haldinn í gærkvöld og eru 11 búnir að skrá sig. Danirnir treysta sér til að útvega hesta fyrir 20 manns, þ.a. enn er möguleiki á að komast með. Í næstu viku verður farið í að ganga frá flugmiðum, þ.a. nú um helgina verða síðustu forvöð að skrá sig. Við ætlum að vera dugleg að hittast og skipuleggja ferðina vel, þ.a. hún megi takast sem allra besta. Svo ætlum við líka að vera dugleg í fjáröflun þ.a. hver og einn þurfi helst ekki að leggja út meiri pening en staðfestingargjaldið.
Þeir sem eru búnir að skrá sig eru:
Aníta Kjellberg, Dagbjört Una Helgadóttir, Gunnhildur Rán Gunnarsdóttir, Hafrún Kjellberg, Hrafn Valtýr Oddsson, Hrafnhildur Helga Guðmundsdóttir, Högni Freyr Kristínarson, Inga Lára Ragnarsdóttir, Lýdía Þorgeirsdóttir og Þuríður Lilja Valtýsdóttir - Svo sitja þau uppi með Jónu (Ólafs, mömmu Anítu og Hafrúnar) og mig (Kristínu Bjarna, mömmu Högna og Þuríðar) sem fararstjóra (við heimtum að fá að ganga í barndóm og hafa jafn gaman af og (hinir) krakkarnir!!!
Við ætlum að hittast vikulega til skrafs og ráðagerða. Til að byrja með verðum við upptekin af hvernig við búum til peninga (á kannski einhver peningatré að lána okkur??). Þegar við komumst yfir þann hjalla þá ætlum við samt að halda áfram að hittast og gera eitthvað skemmtilegt, fara saman í reiðtúra, jafnvel skipuleggja prufuferðalag þar sem við færum í helgarferð á hestbaki eitthvað út fyrir bæinn - markmiðið er að þegar við förum af stað út þá verði hópurinn orðinn svo samrýmdur að við hugsum öll sem einn maður!!
Kveðjur,
Kristín
P.s. FRESTUR FRAM Á SUNNUDAGSKVÖLD TIL AÐ SKRÁ SIG
